I dërguari i Ballkanit Perëndimorë për dialogun Kosovë-Serbi, Miroslav Lajçak ka bërë të ditur se është takuar me dy zyrtarë të Shtëpisë së Bardhë në Washington.

Përmes një postimi në Twitter, Lajçak tha se u takua me Zëvendës Këshilltarin Kryesor për Siguri Kombëtare, Jon Finer dhe Drejtoreshën e Lartë për Evropën, Amanda Sloat.

Ata diskutuan për situatën në veri të Kosovës, hapat për de-eskalim dhe për dialogun.

“Një takim shumë i dobishëm me SHBA, Zëvendës Këshilltarin Kryesor për Siguri Kombëtare Jon Finer dhe Drejtoreshën e Lartë për Evropën Amanda Sloat për situatën në veri të Kosovës, hapat e nevojshëm për de-eskalim dhe rrugën përpara në dialogun e lehtësuar nga EU”, ka shkruar Lajçak./Arbresh.info/

Very useful meeting with ?? Principal Deputy National Security Adviser Jon Finer and Senior Director for Europe Amanda Sloat on the situation in the north of Kosovo, steps needed for de-escalation and the way forward in the ??-facilitated Dialogue.

— Miroslav Lajčák (@MiroslavLajcak) June 21, 2023